Noticia_foto1

Antimikrobianoen aurkako erresistentziak: parte hartzen dugu osasunean duten eraginaren hedapenean

Uztailaren 19 eta 20an, Madrilgo Complutense Unibertsitatean, Mikrobiologia eta Gizartea: Mikrobiologiaren Erronka, Hedapen eta Irakaskuntzaren IV Batzar Nazionala deituriko batzarra ospatu zen, Sociedad Española de Microbiología-ren (SEM) barruan dagoen Mikrobiologiaren Irakaskuntza eta Hedapena talde espezializatuak antolaturik. SEM 1946an sortu zen elkarte interdiszipinarra da eta mikrobiologiaren arlo desberdinetan lan egiten duten 1700 bazkidek osatzen dute. SEM Federation of European Microbiological Societies-en (FEMS) partaidea da, azken honek urtero hainbat beka (FEMS Research Grants) ematen ditu doktore-tesiaren amaieran edo doktoratu ostean ari diren gazte ikertzaileentzat, aukeratuek beren ikerketa jarduerak herrialde kanpoko guneetan 3 hilabeteko egonaldiak finantzatu ahal izateko. (gehiago…)

Gehiago irakurtzeko

glycoconjugates

Glikokonjugatuetan oinarritutako txertoak. Animalien Osasunerako beste irtenbide bat?

Giza medikuntzan lehenengo glikokonjugatuetan oinarrituriko txertoa 1987an lizentziatu zen, Haemophilus influenzae b-rentzat. Garai honetatik aurrera herrialde desberdinen txerto egutegietan ezarri eta garatu dira beste gaixotasun infekzioso batzuei aurre egiteko. Glikokonjugatu bat proteina, peptido, lipido edo sakarido bati lotura kobalente batekin elkartutako karbohidratoa da. Glikokonjugatu naturalak (glikoproteinak, glikopeptidoak, peptidoglikanoak, glikolipidoak, glikosidoak eta lipolisakaridoak) konposatu oso garrantzitsuak dira biologia mekanismoetan. Molekula hauek zelula-zelula arteko elkarreraginetan esku hartzen dute eta hain zuzen zelulen gainazalean dauden karbohidratoek frogatu dute txertoen garapenerako jomuga onak direla. (gehiago…)

Gehiago irakurtzeko

20180525_comprimida

ANEMBE-ko XXIII. Nazioarteko Kongresua – Vigo 2018

Ekainaren 6, 7 eta 8 egunetan Behien Medikuntzaren XXIII. Nazioarteko ANEMBE Kongresua izan zen Vigoko Itsas Kongresuen Auditorium Jauregian, Pontevedran. Kongresua ANEMBE-k (Asociación Nacional de Especialistas en Medicina Bovina de España) antolatu zuen eta 700 izen emate baino gehiago izan zituen, azken urteetako jendetsuenetakoa izanik. Mundu osoko 10 herrialde baino gehiagotako hizlariak aritu ziren bertan eta hauek 50 bat hitzaldi eman zituzten, non elikadura, osasuna, esnearen kalitatea edo ugalketa gaien inguruko lanketa egin zen. Hizlari hauen artean nabarmentzekoak izan ziren Cornell (AEB) Unibertsitateko Rodrigo Bicalho doktoreak emandako bi hitzaldiak mastitisaren ingurukoak, hautatze-terapiaren eta honek esnearen mikrobiomarekin duen elkarreragina, Ghent Unibertsitateko Sarne de Vliegher doktoreak azaldutako aureus ez diren estafilokokoen eta errapearen osasunaren arteko ikuspuntu berriak eta Leongo Unibertsitateko Valentín Pérez doktoreak behien artean ohikoen diren gaixotasunen diagnostiko makroskopikoa egiteko gakoen hitzaldia. (gehiago…)

Gehiago irakurtzeko

tesis naiara 3

Naiara Abendañok Doktorego tesiko Aparteko Saria jaso du

Berri onak! NEIKEReko lan zientifikoak onarpena jaso du komunitate zientifikoan. Izan ere, Naiara Abendañoren doktorego-tesia “Análisis del potencial epizoótico de cepas de Mycobacterium avium subsp. paratuberculosis aisladas de diversos hospedadores empleando modelos de infección in vitro” deritzona, 2015/2016 ikasturteari dagokion EHU/ UPVko Osasun Zientziak banatzen dituen Doktoretzako Aparteko Sarietako baten onuraduna izan baita.

Lan hau, NEIKEReko Animalia Osasun Sailean, Marta Alonso Doktorearen zuzendaritzapean egindako 4 urteko lan gogorraren fruitua izan da. NEIKERen jasotako heziketa berebizikoa izan da EHU/UPVko Genetika, Antropologia Fisikoa eta Animalia Fisiologia Sailean, doktoratu osteko kontratua lortzeko, non egun lanean diharduen. Honen guztiaren ondorioz, Naiarari zorionak eman nahi dizkiogu!

Doktorego tesiaren laburpena ondorengo estekan irakurri daiteke:
https://addi.ehu.es/handle/10810/18815

Gehiago irakurtzeko

VACAS FERMIN 60312 044

NEIKERren (2014 – 2018) jasotako behien ume – galtze kasuen aurretiazko berrikuspena

Behien ume – galtzeak, mundu osoko esne eta haragi ustiategietan galera ekonomiko altuak sortzen ditu. Etiologia oso desberdina izan daiteke, hala ere, diagnostiko – laborategietan gehien ikertzen diren kausak infekzioek eragindakoak dira. Genetikarekin erlazionaturiko aldaketek, toxiko ezberdinek edo estresarekin lotutako fenomenoek ere ernaldiaren galera eragin dezakete. Aldiz, kausa hauen azterketa ohikoa ez denez, estimatzen dena baino gehiagotan gertatzen da. Asko dira behi aziendetan ume – galtzea eragin dezaketen agente infekziosoak eta hauetariko asko mundu osoan banatuta daude. Hauetatik guztietatik agente parasitarioak (Neospora caninum, Trichomonas foetus), infekzio birikoak (BVDV, BHV-1, Schmallenberg…), bakterioak (Trueperella pyogenes, Leptospira spp., Coxiella burnetii…) eta onddoak (Aspergillus spp.) nabarmendu daitezke. Hauetako agente bakteriano batzuk (Brucella spp., Leptospira spp., Coxiella burnetii) gizakiak infektatzeko gaitasuna ere dutenez (zoonosia), osasun publikoan arazoak sortu ditzakete. Bruzelosiaren kasuan, Euskal Autonomi Erkidegoak, 2013.urtetik bruzelosi gabeko estatus ofiziala dauka. (gehiago…)

Gehiago irakurtzeko

IMG_5200

Animalia Osasuna eta Basa-faunari buruzko Jardunaldia

Pasaden ekainaren 14an, Nekazaritza eta Arrantza, Elikadura eta Ingurumen Ministerioak (MAPAMA), Animalia Osasuna eta Basa-faunaren inguruko Jardunaldia antolatu zuen. Bertan, hainbat esparruko ordezkariek, hau da, Animalia Osasuna eta Higienea eta Animalien Trazabilitateko Zuzendariordetza Nagusiak (ZN), Baso Politikako ZN, Ingurune Naturaleko ZN, haragitarako behi-azienda ekoizleek, ehiza eta naturaren kontserbazio elkarteek, SEPRONAk eta ikerketaren esparruan dihardutenek aurkeztu zituzten aurkezpenak. Jardunaldia mahai-inguru batekin bukatu zen. Jardunaldiaren helburu nagusia zera izan zen, osasun bakarra deritzona lortzeko asmoz, animalia osasuna, ingurumena, ehiza kudeatzaileen eta osasun publikoaren arteko kudeaketa integratua erraztea. Horretarako, SEPRONA bezalako beste agente batzuen, ikertzaile, unibertsitate eta hedabideen lankidetza beharrezkoa da. Halaber, gure herrialdeko basa-faunaren kudeaketa sanitarioarekin lotutako lehentasunak identifikatzeko beharra nabarmendu zen, adibidez, populazio-dentsitateak estimatzeko sistemen hobekuntzan, zaintza pasiboaren indartzean, kudeaketa sanitarioaren neurrietan eta agerraldi epizootikoak gertatzen direnean aplikatu behar diren kontrol neurrietan. (gehiago…)

Gehiago irakurtzeko

LOGO EN PANTALLA

Nazioarteko 14. Paratuberkulosi Solasaldia

Hilaren 4tik 8ra, 14. International Colloquium of Paratuberculosis (14 ICP) delakoa gauzatu zen Quintana Roon, Mexikon. International Association of Paratuberculosis-ek antolatutako bilera hau, munduko hainbat lekutan egiten da bi urtetik behin. 23 herrialdeetako 160 ikertzaileek elkarturiko bileran, atal desberdinetan antolatutako saioetan parte hartu zuten, hala nola, Diagnostikoa, Inmunologia eta ostalari-erantzuna, Mycobacterium avium subsp. paratuberculosis (Map) delakoaren kontrol programak eta Epidemiologia, Patogenomika eta Map-en Biologia eta azkenik, osasun publikoa eta Map ingurumenean. (gehiago…)

Gehiago irakurtzeko

moxivacas1

NEIKEReko Animalia Osasun saila behien trikomonosi eta genitaleko campylobakteriosiaren ikerketa proiektuan parte hartzen ari da

Behien trikomonosia (TCB) eta genitaleko campylobakteriosia (CGB), modu benereoan transmititzen diren gaixotasunak dira, zeinak behien ernaldi garaian galerak sortzen dituzten. Aipaturiko gaixotasun hauek, ondo ezagutzen dira behi ustiategi estentsiboekin lan egiten duten herrialdeetan, Estatu Batuetako gune desberdinetan eta Hego Amerikan, besteak beste. Gainera, azken urte hauetan, Europan TCBren berragertzea gertatzen ari denaren susmoa dago. Espainian, SALUVET (Madrileko Albaitaritza Fakultatea) deritzon taldeak egindako ikerketen arabera, behi ume-hazleko ustiategietan, %15eko prebalentziak ikusi dituzte infektaturiko zezenetan. (gehiago…)

Gehiago irakurtzeko

FOTO 116

INIA proiektu berria: Paratuberkulosi eta beste gaixotasun batzuren kontrola inmunogeno berrien bitartez; babesa, DIVA diagnostikoa eta tuberkulosiarekin interferentzia

Infekzio-gaixotasun batzu badira, erauzte programa ofizialetara atxikiturik egon gabe, abel-ustiaketetan galera ekonomiko handiak sortarazten dituztenak. Hauetariko bat paratuberkulosia dugu, enteritis granulomatosa garatzen duen mikobakteriak eragindako gaixotasun kronikoa, mundu mailan, hausnarkari ustiaketetan ikaragarrizko galera ekonomiko eta osasun-arazoa eragiten duena. Nahiz eta lehen aldiz, XIX. mendeko azken urteotan deskribatua izan, egun, hostalari-patogeno interakzioa arautzen duten mekanismoak ez daude argi. Gaur egun arte, bai ardi zein behi ustiaketetan gaixotasuna kontrolatzeko txertaketa izan da, abeltzainek kostu ekonomikoa beregain har zezaketen, metodo eraginkor bakarra. Halere, honek ezin dezake aberea guztiz babestu eta paratuberkulosiaren ohiko diagnostiko serologikoan zein behi-tuberkulosian (TB) darabilten ohiko diagnostiko proba oztopa dezake. (gehiago…)

Gehiago irakurtzeko