blog_102

Abeltzaintzan antibiotikoen zentzuzko erabileraren jardunaldia: “Zer ekarpen egin dezakegu lehen sektoretik antibiotikoen erabilera murrizten laguntzeko?

Hilak 8an NEIKEReko Animalia Osasun Sailak, Mungian, lehen sektoreak antibiotikoen murrizketan izan dezakeen ekarpenari buruz hitz egiteko, albaitari klinikoei zuzenduriko dibulgaziozko jardunaldi bat antolatu zuen. Jardunaldi hau, Euskadiko antibiotikoen erresistentzi aurkako egitasmo programan (RAM-Euskadi delakoan), Eusko Jaurlaritza, hiru Foru Aldundiak, NEIKER eta ELIKA-k parte hartzen dugun programa berrian burutuko diren ekitaldi desberdinen artean barneratuko genuke. Programa honen azken helburua, EAE-n albaitari sendagaien erabilera egokia sustatzeko eta antibiotikoen erresistentzien agerpena gelditzeko akzio zehatzak agerian jarriko dituen estrategia eratzea eta ezartzea litzateke. Ikerne Zuluaga, Eusko Jaurlaritzako Nekazaritza eta Abeltzaintzako zuzendariak RAM-Euskadi-ko aurkezpen laburra burutu zuen ekitaldiaren irekieran. Bertan 4 lerro estrategikoak deskribatu zituen (zaintza eta kontrola; animalien gaixotasunen prebentzioa; ikerketaren sustapena; eta komunikazio eta formakuntza). (gehiago…)

Gehiago irakurtzeko

foto zorro retocada

Enterocytozoon bieneusi protozooaren ikerlana basa-haragijaleetan

Microsporidia protozooek, parasito oportunistak eta derrigorrezko intrazelularrak, hainbat ornogabe eta ornodun infektatzen dituzte. Munduko animalia eta gizakietan gehien detektatzen den Mikrosporidio espezieen artean Enterocytozoon bieneusi dakusagu. Patogeno honen epidemiologian, animalia espezie desberdinek joka dezaketen gordailu papera oraindik ez dago bat ere argi. Inmunoeskasia duten gizakiotan erasoaren eragina larria oso izan daiteke. Horrela, nahiz eta E. bieneusi, basa zein etxe espezie ugari infektatzeko gai den eta goraka doan patogeno emergentea izan, ikerlan gutxi batzu izan dira basa-haragijaleetan honen presentzia aztertu dutenak. Prebalentzia zehaztu nahian, Espainiako komunitate autonomiko desberdinetako 190 basa-haragijale aztertu ziren. (gehiago…)

Gehiago irakurtzeko

vacas Asturias

Behi enterotoxemia

Enterotoxemiak, hestean biderkatzen diren Clostridium generoko bakterioen toxinek eragindako gaixotasunak dira. Hausnarkarietan, espezierik garrantzitsuena Clostridium perfringens da, espora gisa mantentzen den bazilo anaerobioa, zeina urdinez tindatzen den koloragarri zehatz batzuen bidez (Gram tindaketa). Heste barruan aldeko baldintzak daudenean, Clostridium perfringens biderkatu egiten da eta odolera pasatzen diren toxina desberdinak sortzen ditu. Ondorioz, toxina hauek, organo ezberdinetara (birikak, garuna) iritsi daitezke, bertan, lesio larriak eragin ditzaketelarik. Ustiategi baten agertzen denean, bat-batean eragiten duten gaixotasun agerraldi oso larriak sortzen ditu bigantxetan, galera ekonomiko altuak eraginez. (gehiago…)

Gehiago irakurtzeko

Miriam charla 3

Arabako orkatzengan Cephenemyia stimulator-ek eragindako miasia

Pasaden hilaren 18an, Miriam Martinez de Egidua gure lankideak, “La enfermedad que deja ‘mosca’ a los corzos de Álava. ¡Tiene narices!” izenburudun jardunaldia eman zuen, Ataria deritzon Salburua Hezeguneko Interpretazio Zentroan (Vitoria-Gasteiz). GADEN-ek (Grupo Alaves de Defensa y Estudio de la Naturaleza) sustatutako hitzaldi honetan, orkatz populazioetan, hau da, Europako zerbidorik ugariena den espeziean, eragina duen miasi baten intzidentzian ezagunak diren lehendabiziko datu ezagunak aurkeztu ziren. Cephenemyia stimulator dipteroa da miasi honen erantzulea eta orkatzen sudur-barrunbeetan jartzen ditu larbak. (gehiago…)

Gehiago irakurtzeko

feliz año

Urte berri on!

2017an zehar argitaratu ditugun Animalia Osasun Saileko berriak, proiektuen laburpenak, biltzarrak, artikuluak, hitzaldiak, transferentzia jardunaldiak eta bestelako ekintzak, interesgarriak iruditu zaizkizuela espero dugu. Blog honen xedea, barne eta kanpo komunikazioa hobetzea da, eta Animalia Osasunarekin erlazionaturik dauden gaietan jakin-mina dutenei zuzendurik dago.
2018rako erronka hau mantenduko dugu. Oraingoz, urte bukaera ezin hobea opa dizuegu….eta URTE BERRI ON!

Argazkia: S. Álvarez-Yrazusta

Gehiago irakurtzeko

IMG_20171215_132841

Zertan genbiltzan duela 30 urte? 1987ko Nekazaritza eta Arrantza Ikerketa Txostena

Historia apur bat egitera goaz …. Aurreko urtean egin genuen bezalaxe, 30 urte atzera egingo ditugu 1987.urtean egindako I+G-ko jarduerak gogorarazteko. Nekazaritza sailak, urtero, S.I.M.A.-n (Derio), Arkauteko Nekazal Etxaldean – C.I.M.A, S.I.O.-n (Donostia/San Sebastian) eta Landare Osasuna Unitatean (Donostia/San Sebastian) egindako I+G jarduera guztien laburpenak batzen zituen txostenak (Nekazaritza eta Arrantza Ikerketaren Txostenak) argitaratzen zituen. 1987. urtean, Eusko Jaurlaritzako Nekazaritza Sailak, “batzorde ebaluatzaileak” deritzenak antolatu zituen egiten ari ziren ikerketak aztertu eta ikerketen lehentasunak berriz zehazteko. Batzorde ebaluatzaile hauek gai desberdinetan aritzen ziren Estatuko Unibertsitate eta Ikerketa Zentroetatik etorritako ikertzaile eta adituen batzarretan oinarritzen ziren. Aipaturiko adituak gai hauetan ziharduten: Patataren hobekuntza, Animalia-patologia, Animalia-ekoizpena, Ozeanografia eta arrantza, eta Ardi-azienda. Erantsita dagoen txostenean jartzen duen bezalaxe, badirudi, batzar hauek oso baliagarriak eta praktikoak izan zirela Nekazaritza Sailak pentsaturik zuen etorkizuneko politika zientifikoa aurrera eraman ahal izateko. (gehiago…)

Gehiago irakurtzeko

Presentación1

Basurdeen tuberkulosi eta E hepatitisaren prebalentziaren eboluzioa Gipuzkoan

Behi-tuberkulosia eta E hepatitisa zenbait animalia espezieri eta gizakioi eragiten diguten zoonosiak dira. Mycobacterium bovis bakteriak eragindako tuberkulosiaren erauzte programa ofizialek, elkarte autonomiko batzuetan, gaixotasunaren ia desagertzea eragin dute. Halere, Castilla-La Mancha, Andaluzia eta Extremadura bezelako komunitateetan prebalentziak altua izaten darrai, ziurrenik, basa-animalia ugaritasuna dela medio, gaixotasunaren gordailu izan daitezkeenaren frogak bait ditugu. EAA-n azken urteotan, basurdeetan tuberkulosi kasu isolatuak hauteman dira, nahiz eta informazioa urria den Gipuzkoan. (gehiago…)

Gehiago irakurtzeko

Ixodes ricinus picando personas

Lyme gaixotasunaren eragilea den bakteriaren ikerketa, Gipuzkoan

Lyme gaixotasuna, Borrelia burgdorferi bakterioak eragindako susperraldian dagoen gaixotasuna da. Bakterio hau Ixodes ricinus kaparrak transmititu dezake, zeina Euskal Autonomia Erkidegoko landaredian oso ugaria den. Euskadin, Lyme gaixotasunaren benetako kasuistika ezezaguna da, batetik, kasuak identifikatzeko protokolo araupetuak ez izateak diagnostikoa zaildu egiten duelako, bestetik, gaixotasunak ez-ohikoak diren sintomak izan ditzakeelako eta pazienteek ez dituztelako sintomak kendutako kaparrekin erlazionatzen, ondorioz, ez diote medikuari ezer ere ez esaten. Infekzioaren transmisio-mekanismoa, kaparretik ostalarira (animalia edo gizakia), borrelien inokulazio zuzena ematen da, listuaren bidez, kaparrak elikatzen ari diren bitartean. Kaparra, ostalariaren azalera itsatsita mantentzen den denbora da bakteriaren transmisiorako mugatzailea. Hau horrela, gutxieneko denbora 48 ordu edo gehiagokoa izan behar da, eta kaparra 72 ordu edo gehiago azalera itsatsita mantentzen baldin bada, kutsatze arriskua altua bilakatzen da. (gehiago…)

Gehiago irakurtzeko