Joan den maiatzaren 6an, SYVA enpresak, Leongo Unibertsitatearekin lankidetzan, gure lankideari, Gerard Badia-Bringué, Animalien Osasuneko tesi onenaren nazioarteko SYVA Sariaren 29. edizioko saria eman zion, “Early diagnosis, genomic resistance to bovine paratuberculosis, and regulation of the host response against this infection” doktore-tesiagatik. Epaimahaiak bereziki nabarmendu zuen lanaren ikuspegi berritzailea eta aplikagarria. Tesiak bide berriak aztertzen ditu diagnostiko goiztiarra eta gaixotasunekiko erresistenteak diren animalien hautaketa hobetzeko.
Lehen sariaz gain, bi accesit eman ziren. Valentín Pérez Pérez Irakaslea accesit-a, Judith Guitar Matasi eman zioten, teknologia multi-omikoen bidez texikumeen titia kendu osteko beherakoen antibiotikoekiko erresistentzien azterketa lanagatik, eta Agnès Hildegard Sjöberg accesit-a Enrique Riera Ferrerri, akuikulturako urraburuari eragiten dion parasito hematofago baten buruzko ikerketagatik. Lan horiek 7 herrialdetako 15 unibertsitatetako 31 doktore-tesiren artean aukeratu ziren.
Ikertzaileak, esparru akademikoko ordezkariak, nazioarteko epaimahaikideak, tesi zuzendariak, SYVAko kolaboratzaileak eta sarituen senideak bildu ginen animalien osasunaren etorkizunarekin konprometitutako ikertzaile gazteen lana aitortzeko.
Gerarden doktorego-tesia NEIKEReko Animalia Osasun Sailean egin zen, gaur egungo Animalia Zientzia Sailean, Marta Alonso (NEIKER) eta Begoña Jugo Genetika (Antropologia Fisikoa eta Animalien Fisiologia Saila, UPV-EHU) doktoreen gainbegiradapean (Gerarden tesiaren esteka). Tesia 2025eko otsailaren 7an aurkeztu zen UPV-EHUko Zientzia eta Teknologia Fakultatean, argitalpenen modalitatean eta nazioarteko aipamenarekin, eta Bikain Cum laude kalifikazioa lortu zuen. Tesian, diziplina anitzeko hurbilketa bat erabili zen, metodologia mikrobiologikoak, immunologikoak, molekularrak, genetikoak, “omikoak” eta bioinformatikoak erabiliz. Doktoretza-tesi honetan lortutako emaitzen ondorioz, nazioarteko bi patente sortu dira, eta Holstein arrazako behi-azienda immunogaitasunaren arabera sailkatzeko eta hautatzeko aukera irekitzen dute. Era berean, antibiotikoen bidezko tratamenduen premia murriztea, bizi-itxaropena handitzea eta ekoizpen-eraginkortasuna hobetzea ahalbidetu dezakete, eta, horrela, nekazaritza- eta abeltzaintza-garapen jasangarriagoa eta elikagaien segurtasuna indartuz (GO-INMUNOGEN proiekturaren esteka).
Gerarden tesiak Asturiasko Printzerriko Nekazaritzako Elikagaien Ikerketa eta Garapenerako Eskualdeko Zerbitzuko Animalien Osasun Sailaren (SERIDA), Frisona Espainiarren Konfederazio Nazionalaren (CONAFE), Euskal Herriko Unibertsitateko (UPV-EHU) Genetika, Antropologia Fisikoa eta Animalien Fisiologia Sailaren, INIAko (CSIC) Animalien Genetika Hobetzeko Sailaren eta i2basque sare akademikoaren laguntza izan zuen. Tesia PARACON (RTI2018-094192-R-C21) eta PARARESILIENCIA (PID2021-122197OR-C21) proiektuen esparruan egin zen. Proiektu horiek MICIU/AEI/10.13039/501100011033 eta “FEDER Una manera de hacer Europa” funtsen bidez finantzatu ziren. Prestakuntza-aldian, Gerardek doktoratu aurreko kontratu bat izan zuen (PRE2019-090562, 2020-2024), MICIU/AEI/10.13039/501100011033 eta “FSE Invierte en tu futuro” funtsen bidez finantzatuta.
NEIKERetik zorte handia opa diogu Gerardi bere ikerketa ibilbidean eta urte hauetan egindako lanagatik zoriontzen dugu. Zorionak Gerard!
Sariei buruzko informazio gehiago: Bideoa youtuben eta Syva-ren berria.
