Ardi- eta Ahuntz-azienden Espainiako Elkartea (SEOC) ardi- eta/edo ahuntz-azienden sektoreetan interesa duten profesional guztiei irekitako elkartea da, haragi-ekoizpenekoak zein esne-ekoizpenekoak. SEOC profesional horiek beren ezagutzak trukatzeko, ikerketa sustatzeko eta, batez ere, azken aurrerapenak beren teknikarien bitartez landa eremura eramateko duten kezkatik sortu zen. Helburu horiek betetzeko asmoz, SEOCek urtero egiten ditu bere Jardunaldi Zientifikoak.
Oraingo honetan, urriaren 1etik 3ra bitartean, Bilboko Bizkaia Aretoa-EHUn SEOCen 48 Kongresu Nazionala eta 24 Nazioartekoa egin zen, NEIKERek eta SEOCek antolatuta. Topaketa asteazken arratsaldean hasi zen, “jardunaldi satelite” batekin. Bertan, laborategiko diagnostikoa eta albaitari klinikoaren jarraibideak landu ziren, ardien itzemina prebenitzeko eta kontrolatzeko.
Ostegun goizean inaugurazio-ekitaldia egin zen, eta bertan Oneka Zaballak (Eusko Jaurlaritzako Nekazaritza eta Abeltzaintza zuzendaria), Álvaro Mateosek (Bizkaiko Albaitarien Elkargo Ofizialeko presidentea), Joseba Garridok (NEIKEReko Animalien Osasun Saileko burua) eta Jesse Barandikak (SEOCeko presidentea) hartu zuten parte. Ostegun eta ostiralean, zazpi hitzaldi eman ziren honako gai hauei buruz: diagnostiko neurologikoa, farmakozaintza, jezteko teknologian izandako aurrerapenak, intoxikazioetan eta harrapakaritzetan oinarritutako albaitaritza forentsea, klima-aldaketak sektorean duen eragina, haragitarako ahuntz-aziendaren egoera berezia eta fauna basatiaren eta hausnarkari txikien arteko elkarrekintzak izan dezakeen osasun-arriskua. Gainera, bi mahai-inguru antolatu ziren, non honako gai hauek eztabaidatu ziren: mingain urdinaren egoera eta kudeaketa eta abeltzaintza tradizionalaren eta otsoaren arteko bateragarritasuna.
Jardunaldien eduki zientifikoa osatzeko, 40 ahozko komunikazio eta 24 lan poster formatuan aurkeztu ziren. NEIKEReko Animalia Ekoizpena eta Animalien Osasuna sailetatik zazpi komunikaziorekin hartu genuen parte atal honetan.
Efecto de la inclusión de torta de colza prensada en frío en el pienso sobre las emisiones de CH₄ en ovejas de Rasa Aragonesa en lactación.
Ruiz R., Goiri I., Garcia-Rodriguez A., Benhissi H., Salom A., Galeote A., Riaguas L.
Efecto de incluir el aditivo Silvair® en el pienso sobre las emisiones de CH₄ en ovejas de Rasa Aragonesa en lactación.
Goiri I., Garcia-Rodriguez A., Benhissi H., Salom A., Galeote A., Riaguas L., Ruiz R.
Investigación de la causa de aborto en pequeños rumiantes, con especial atención a Coxiella burnetii.
Hurtado A., Barandika J.F., Gómez N., Kortabarria N., Aduriz G.
Anaplasma spp. en pequeños rumiantes del norte peninsular: detección de Anaplasma capra en ovino del País Vasco.
Vázquez P., Ibarrondo-Mendiola P., García-Pérez A.L., Barandika J.F., Cevidanes A.
Identificando lo que hace resilientes a los sistemas de pequeños rumiantes.
Lizarralde J., Mandaluniz N., Prat-Benhamou A., Gaspar-Garcia P., Hornillo A., Ruiz R., Mancilla-Leytone J.M., Mena-Guerrero J., Martin-Collado D., Soriano B.
¿Qué limita la reproducción de las corderas?
Beltrán de Heredia I., Arranz J., Mintegui L.
Incremento de la actividad fagocítica y microbiocida de los neutrófilos tras la vacunación frente a paratuberculosis.
Mendivil P., Arteche-Villasol N., Mugica M., Criado M., Benavides J., Gutiérrez-Expósito D.M., Elguezabal N., Fernández M.
Nabarmentzekoa da Ina Beltrán de Heredia Animalia Ekoizpeneko gure lankideak aurkeztutako “¿Qué limita la reproducción de las corderas?“ ahozko komunikazioak komunikazio onenaren diploma jaso zuela ugalketa atalean.
Parte-hartzaileen iritzien arabera, jardunaldiak bete-betean ase zituzten sortutako espektatibak, bai arlo zientifiko-teknikoan, bai gastronomikoan ere. Hurrengo edizioa Cadizen izango da, eta espero dugu gure ikerketetan aurrera egitea, 2026ko SEOC Kongresuan haiek partekatu ahal izateko.
