Ekainaren 24tik 26ra St. John ‘s (Newfoundland & Labrador, Kanada) hirian 11th International Symposium on Avian Influenzan izan gara.
Mundu mailan, une garrantzitsua da hegazti gripearen epidemiologiaren bilakaeran. Azken urteotan, aurrekaririk gabeko hilkortasun-agerraldiak izan dira basa-hegaztietan, eta horrek kezka eragin du zenbait espezieren kontserbazioan izan dezakeen eraginagatik; horrez gain, ondorio sozioekonomiko larriak eragin ditu hegazti-industrian eta ugaztun-espezie desberdinetara transmititu da, baita gizakira ere. Gertakari horiek agerian uzten dute Osasun Bakarraren ikuspegiaren araberako erantzun koordinatua behar dela munduko erronka horri aurre egiteko.
11th International Symposium on Avian Influenzaren helburua zientzialariak, biologoak, albaitariak, medikuntzako profesionalak eta gobernuko arduradunak biltzea da, hegazti-gripearekin lotutako azken aurrerapen zientifikoak trukatzeko eta eztabaidatzeko, bai eta etxeko animaliak, basa-fauna eta giza osasuna ardatz dituzten erronkei aurre egiteko ere, nazio mailan zein nazioartean.
NEIKERetik Ane López-Moralesek eta Marta Barralek aktiboki parte hartu dugu, bi lan aurkeztuz:
“From trace to treasure. Optimizing RNA extraction for Avian Metagenomics “. Ane López-Morales, Vega Alvarez, Xeider Gerrikagoitia, Jose Luis Lavín & Marta Barral. INFLUOMA proiektuaren esparruan egindako lana.
“No evidence of influenza A virus infection in marine mammals stranded in Basque Country coast (Northern Spain) in the context of H5N1 clade 2.3.4.4b expansion”. Ane López-Morales, Denis Benito, Xeider Gerrikagoitia, Vega Alvarez, Xabier Lekube, Manu Soto, Jose Luis Lavín & Marta Barral. NEWFLUPREV proiektuaren esparruan eta UPV/EHUko (Plentziako itsas estazioa) ikertzaileekin lankidetzan egindako lana.
Interesa izanez gero, lanen laburpena bidali ahal izango dizuegu.
“Hegazti-gripearen birusarekin naturalki infektatutako basa-hegaztien biroma eta bakterioma ikertzea” (PID2020-114060R-C31) proiektua, Zientzia eta Berrikuntza Ministerioak eta Estatuko Ikerketa Agentziak (MCIN/AEI/10.13039/501100011033) finantzatua.
NEWFLUPREV proiektua, “Hegazti-gripearen transmisio-mekanismoetan eta etxeko hegaztien eta basoko hegaztien arteko elkarreraginean sakonduz” (PID2023-149441OR-C31), Zientzia, Berrikuntza eta Unibertsitate Ministerioak, FEDER-UEk eta Estatuko Ikerketa Agentziak (MCIN/AEI/10.13039/501100011033) finantzatua.
Ane López Moralesek PRE2022-101762 doktoratu aurreko kontratua du, MCIN/AEI/10.13039/501100011033 and FSE+ek finantzatua.
